Italiya A Seriyasining 21-turidagi bahsda Rimdagi "Latsio" o'z maydonida "Komo"ga 0:3 hisobida imkoniyatni boy berdi. Bu haqda euro-football.ru xabar beradi.
Uchrashuvning 2-daqiqasidayoq mehmonlar oldinga chiqib oldi: Aleks Valle to'p uchun kurashda yutib, Martin Baturinaga uzatma berdi, Baturina esa darhol yo'llagan zarbasi bilan darvozabonni sersovuq qoldirdi. 24-daqiqada "Komo" yana bir bor raqibni jazoladi: chap qanotdan oshirilgan to'pni himoyachilar uzoqqa chiqara olmadi, Nikolas Pas qaytgan to'pni markazdan aniq yakunlab, hisobni 0:2 ko'rinishiga keltirdi.
Ikkinchi bo'lim boshida esa Pas yana o'z so'zini aytdi. Baturinaning jarima maydoni chizig'iga nozik pasidan keyin u bir teginishda to'pni chap burchakka burab kiritdi va dublini rasmiylashtirdi — 0:3. Keyinroq Lukas da Kunya Pasning uzatmasidan so'ng jarima maydonida chiroyli harakat qildi, biroq yaqin masofadan bergan zarbasini darvozabon qaytardi.
Ushbu g'alabadan so'ng "Komo" turnir jadvalida 6-o'ringa mustahkam joylashib oldi, "Latsio" esa 9-pog'onada qoldi.
“Zamin”ni Telegramʻda oʻqing!
