"Xorazm" klubi braziliyalik Elzio Lohanni rasman safiga qo‘shib oldi
43
«Xorazm» klubi transfer ishlarini to‘xtatgani yo‘q. Jamoa navbatdagi yangi futbolchini e’lon qildi: braziliyalik hujumkor yarimhimoyachi Elzio Lohan bilan shartnoma imzolandi.
Klub ma’lumotiga ko‘ra, 2001 yilda tug‘ilgan Elzio faoliyati davomida bir qator klublarda to‘p surgan. U Braziliyada «Ituano», «Kaskavel», «Baiya» jamoalarida o‘ynagan bo‘lsa, keyinchalik faoliyatini boshqa chempionatlarda ham davom ettirib, «Zmaj», «Belej Mostar», «Belej Neveseni» hamda «Enosis Paralimni» klublari safida maydonga tushgan.
Ma’lumot uchun, futbolchining ayni paytdagi bahosi 150 ming yevro atrofida ekani qayd etilmoqda. «Xorazm» esa aynan shunday hujumda faol, to‘p bilan tez qaror chiqaradigan yarimhimoyachi orqali yangi mavsum oldidan raqobatni kuchaytirishni maqsad qilgani ko‘rinib turibdi.
Endi eng qizig‘i — Elzio Lohan tezroq moslashib, o‘z salohiyatini maydonda qay darajada ko‘rsatadi. Muxlislar esa odatdagidek bir narsani kutadi: yangi transfer — yangi gollar va yangi g‘alabalar.
“Zamin”ni Telegramʻda oʻqing! 
