"Manchester Yunayted" bosh murabbiyi Maykl Karik yarim himoyachi Kobbi Mainuning hozirgi holati va jamoaga qaytishi borasida o'z fikrini bildirdi. Bu haqda euro-football.ru xabar beradi.
20 yoshli futbolchi Ruben Amorim davrida maydonda kam ko'ringandi, biroq yangi murabbiy qo'l ostida asosiy tarkibga qaytdi. APLning o'tgan turida Mainu manchester derbisida "Manchester Siti" ustidan 2:0 hisobidagi g'alabaga hissa qo'shib, uchrashuvni oxirigacha o'tkazdi.
"Kobbi bilan ishlash menga yoqadi, uni juda yoshligidan bilaman. Tarkibga shunchalik tez kirib kelish, shu darajada tez o'sish va muhim o'yinlarda o'zini ko'rsatish — katta gap. Har bir futbolchining faoliyatida ko'tarilish ham, pasayish ham bo'ladi, ammo o'tgan hafta hamma Mainu nimalarga qodirligini ko'rdi", — dedi Karik matbuot anjumanida.
Yakshanba kuni "MYU" safarda "Arsenal"ga qarshi bahs olib boradi.
“Zamin”ni Telegramʻda oʻqing!
