«Bavariya» himoyachisi Jonatan Ta Germaniya chempionatining 19-turida «Augsburg»ga qarshi uchrashuvdagi mag'lubiyat yuzasidan fikr bildirdi. Bu haqda euro-football.ru xabar beradi.
Ta o'yindan keyin jamoa yutqazishdan mamnun bo'lmasligini ta'kidladi: «Mag'lubiyat hech qachon yoqimli emas. Biz ranjidik, ammo eng muhimi — bunga qanday javob qaytarishimiz. Buni tezroq ortda qoldirib, keyingi o'yinga e'tibor qaratishimiz va maydonda o'zimizni ko'rsatishimiz kerak. Ikkinchi bo'limda raqibimiz namoyish etgan darajaga mos o'ynay olmadik. Yutqazdik va buni qabul qilishimiz shart. Hozirgi g'azabimizni keyingi uchrashuvga yo'naltirib, yana mahorat va energiyamizni ko'rsatmoqchimiz», — dedi u.
Hozirda «Bavariya» Bundesligada 50 ochko bilan turnir jadvalida peshqadam bo'lib turibdi.
“Zamin”ni Telegramʻda oʻqing!
