Spalletti Juventus hujumchisi Yildizni begona sayyoralik deb atadi

"Yuventus" bosh murabbiyi Luchano Spalletti yana bir bor jamoa hujumchisi Kenan Yildizning o'yinidan qoyil qolganini aytdi. Bu haqda euro-football.ru xabar beradi.

20 yoshli futbolchi A Seriyaning 22-turida "Napoli"ga qarshi uchrashuvda (3:0) "qari sinyora"ning yirik g'alabasiga hissa qo'shib, gol urdi.

"Yildiz oddiy futbolchi emas — u go'yo begona sayyoralik. Ba'zan ataylab nimanidir xato qiladi, shunda odamlar uni oddiy inson deb o'ylashi mumkin", — dedi Spalletti DAZN bilan suhbatda.

Turkiyalik yosh yulduz joriy mavsumda Italiya chempionatida 21 o'yinda 8 ta gol va 4 ta assist qayd etgan.

Turnir jadvalida "Yuventus" 42 ochko bilan beshinchi o'rinda bormoqda, "Napoli" esa 43 ochko bilan to'rtinchi pog'onani egallab turibdi.