Samaraning “Krilya Sovetov” klubida to‘p surgan sobiq futbolchi Andrey Karyaka rossiyalik mutaxassis Valeriy Karpinning “Real Sosyedad” bosh murabbiyligiga kelishi mumkinligi haqida fikr bildirdi. Bu haqda euro-football.ru xabar beradi.
Karyakaning aytishicha, bunday variantni istisno qilib bo‘lmaydi: Karpin avval ham xorijda ishlagan. Agar “Real Sosyedad” rahbariyati u bilan muzokara qilishni xohlasa, bemalol gaplashishi mumkin, yakuniy qarorni esa Karpinning o‘zi qabul qiladi.
Eslatib o‘tamiz, Karpin futbolchi sifatida San-Sebastyan jamoasi sharafini ham himoya qilgan. Hozirda 56 yoshli murabbiy Rossiya milliy terma jamoasini boshqarmoqda.
Shuningdek, “Real Sosyedad” safida rossiyalik yarim himoyachi Arsen Zaxaryan ham to‘p surmoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
