Madridning «Atletiko» klubi Italiya A Seriyasida «Atalanta» safida top tepayotgan braziliyalik yarim himoyachi Edersonni tarkibga qo‘shib olish ustida ishlamoqda. Bu haqda AS nashri xabar berdi. Bu haqda euro-football.ru xabar beradi.
Manbaga ko‘ra, ushbu hafta ehtimoliy transfer bo‘yicha muzokaralar o‘tkazilishi kutilmoqda. Edersonni jamoaga olib kelish tashabbusi «matraschilar» bosh murabbiyi Diego Simeone tomonidan ilgari surilgan. 26 yoshli futbolchining bozor bahosi 40 million yevroga teng.
Ederson 2022 yil yozidan beri Bergamodagi jamoa sharafini himoya qilib keladi. Uning «Atalanta» bilan amaldagi shartnomasi 2026/2027 yilgi mavsum yakuniga qadar mo‘ljallangan.
Joriy mavsumda A Seriyada braziliyalik yarim himoyachi 18 ta uchrashuvda maydonga tushib, bir marta sariq kartochka oldi.
“Zamin”ni Telegramʻda oʻqing!
