Hujumkor yarim himoyachi Denis Makarov Moskvaning “Dinamo” klubini tark etib, Turkiyaning “Kayserispor” jamoasiga ko‘chib o‘tdi. Klub bosh murabbiyi Radomir Jalovi 27 yoshli rossiyalik futbolchining imkoniyatlarini juda yuqori baholamoqda. Bu haqda euro-football.ru xabar beradi.
Mutaxassis Makarovning o‘yin uslubini mashhur Ar’yen Robben bilan qiyosladi. Jalovi ta’kidlashicha, Denis ham qanotdan markazga keskin kirib borishni yaxshi ko‘radi va uning chap oyog‘i ham xuddi shunday kuchli. Murabbiyning so‘zlarini “Sport-Ekspress” keltirdi.
Hozir “Kayserispor” Turkiya chempionatida murakkab vaziyatda: jamoa turnir jadvalida 17-o‘rinda bormoqda. Superliga navbatdagi turida klub safarda “Galatasaray”ga qarshi maydonga tushadi, uchrashuv fevral oyining birinchi oqshomida bo‘lib o‘tadi.
“Zamin”ni Telegramʻda oʻqing!
