Sterlingning Napoli'ga o‘tishi maosh masalasiga bog‘liq
“Napoli” Rahim Sterlingni o‘z safiga qo‘shib olishga qiziqmoqda, biroq transfer futbolchi maosh bo‘yicha talablarini kamaytirishiga bog‘liq. Tomonlar muzokaralarni davom ettirmoqda va jarayon yakuniy bosqichga yaqinlashgan. Sterling yanvar oyida “Chelsi”ni erkin agent sifatida tark etgan, joriy mavsumda esa hali birorta uchrashuvda maydonga tushmadi.
“Chelsi”ning sobiq hujumchisi Rahim Sterling faoliyatini Italiyada davom ettirishi mumkin. Bu haqda euro-football.ru xabar beradi.
Topskills Sport UK xabariga ko‘ra, ingliz futbolchisini “Napoli” safiga qo‘shib olishga qiziqmoqda. Biroq transfer faqat Sterling maosh bo‘yicha talablarini kamaytirsa amalga oshishi mumkin. Tomonlar muzokaralarni davom ettirmoqda va jarayon yakuniy bosqichga yaqinlashgan. Neapolliklar futbolchiga o‘z shartlarini taqdim etgan, endi qaror o‘yinchining o‘ziga bog‘liq.
Ma’lumot uchun, Sterling yanvar oyida “Chelsi”ni erkin agent sifatida tark etgan — London klubi u bilan shartnomani bekor qilgan. Joriy mavsumda hujumchi hali birorta uchrashuvda maydonga tushmadi, o‘tgan mavsumda esa ijara asosida Londonning “Arsenal” klubida o‘ynagan.
Izohlar 0
…