Angliya chempionatining yakshanba kungi markaziy bahsida «Manchester Siti» safarda «Liverpul»ni mag'lub etdi. G'alaba irodali tarzda qo'lga kiritildi: uchrashuv yakuniga 15 daqiqa qolganida hisobni «Liverpul» ochgandi va Arne Slot jamoasi ustunlikni saqlab qoladigandek ko'ringandi, biroq vaziyat o'zgardi. Bu haqda euro-football.ru xabar beradi.
Bu o'yin «Liverpul» yetakchisi Muhammad Salah uchun APL doirasida klub safidagi 286-uchrashuv bo'ldi. Misrlik hujumchi shu ko'rsatkich orqali «Liverpul» tarixida eng ko'p liga o'yinida maydonga tushgan futbolchilar ro'yxatida kuchli beshlikka kirdi va ispaniyalik darvozabon Pepe Reynani ortda qoldirdi.
Eslatib o'tamiz, omadsiz natijalar fonida «Liverpul» Angliya Premyer-ligasi turnir jadvalida 6-o'ringa tushib ketdi.
“Zamin”ni Telegramʻda oʻqing!
