Fransiya Liga 1ning 21-tur markaziy uchrashuvida «Marsel» safarda «PSJ»ga yirik hisobda imkoniyatni boy berdi — 0:5. O‘yindan so‘ng provansliklar bosh murabbiyi Roberto de Dzerbi natija yuzasidan fikr bildirdi. Bu haqda euro-football.ru xabar beradi.
Mutaxassis jamoasining beqaror o‘yinidan norozi ekanini ta’kidladi: u hozircha bunday tebranishlarga yechim topa olmayotganini, «Marsel» esa bu qadar katta farq bilan yutqazmasligi kerakligini aytdi. De Dzerbi klub rahbariyati bilan uchrashib, vaziyatdan chiqish yo‘llarini birgalikda izlash zarurligini ham qo‘shimcha qildi. Uning so‘zlariga ko‘ra, shunga o‘xshash muammolar «Bryugge», «Renn» va «Lans»ga qarshi o‘yinlardan keyin ham ko‘tarilgan.
Ayni paytda de Dzerbi shogirdlari 39 ochko bilan Fransiya chempionati turnir jadvalida 4-o‘rinda bormoqda.
“Zamin”ni Telegramʻda oʻqing!
