Fransiyaning «Renn» klubi rahbariyati bosh murabbiy Habib Bey hamda uning yordamchilarini jamoa boshqaruvidan vaqtincha chetlatganini ma'lum qildi. Bu haqdagi xabar klubning rasmiy saytida e'lon qilindi. Bu haqda euro-football.ru xabar beradi.
Beyning kelajagi bo'yicha yakuniy qaror chiqmaguncha mashg'ulotlarni Sebastyan Tambure, Pyer-Aleksandr Lelyevr va Maksim Le Marshan olib boradi. Klub bunday qadamni so'nggi o'yinlardagi omadsiz natijalar bilan izohladi: «Renn» ketma-ket to'rt uchrashuvda mag'lub bo'lib, jami 1:12 hisobida yutqazdi.
Hozirda «Renn» 21 turdan so'ng 31 ochko bilan chempionat jadvalida 6-o'rinda bormoqda. Habib Bey jamoada 2025 yil yanvaridan beri ishlab kelayotgandi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
