«Manchester Yunayted» bosh murabbiyi Maykl Karrik «Vest Hem»ga qarshi o'yindan (1:1) keyin uchrashuv taassurotlari bilan o'rtoqlashdi. Bu haqda euro-football.ru xabar beradi.
Mehmonlar mag'lubiyatdan so'nggi lahzalarda qutulib qoldi: 96-daqiqada Benyamin Sheshko urgan gol «qizil iblislar»ga durangni olib keldi.
«Biz bugun eng yaxshi o'yinimizni ko'rsata olmadik, bu esa hafsalani pir qildi. «Vest Hem» maydonida o'ynash doim juda qiyin, natija uchun yetarli darajada o'tkirlik yetishmadi. Jamoaning kayfiyati baribir yuqori, endi oldinga qarashimiz kerak.
Bugun oson bo'lmadi, ammo baribir bir ochko oldik. Ijobiy jihatlarga e'tibor qaratishga harakat qilamiz», — dedi Karrik TNT Sports bilan suhbatda.
Ushbu natijadan so'ng «Manchester Yunayted» Angliya Premer-ligasi jadvalida 4-o'rinni saqlab qoldi.
“Zamin”ni Telegramʻda oʻqing!
