Argentina terma jamoasi hamda Londonning "Tottenhem" klubi markaziy himoyachisi Kristian Romero yozda Ispaniya grandi safiga ko‘chib o‘tishi mumkin. Bu haqda Mundo Deportivo nashri jurnalistlari xabar bermoqda. Bu haqda euro-football.ru xabar beradi.
Manbaga ko‘ra, futbolchiga eng jiddiy qiziqish Madridning "Real" klubi tomonidan bildirilgan. "Qirollik klubi" yozgi transfer oynasida Romeroni qo‘lga kiritish uchun harakat boshlashi mumkin. Shuningdek, himoyachiga Kataloniyaning "Barselona"si va Madridning "Atletiko"si ham qiziqayotgani aytilmoqda.
27 yoshli Romero 2022 yil avgustidan beri "Tottenhem" sharafini himoya qilib keladi. Uning amaldagi shartnomasi 2029 yil o‘rtalarigacha mo‘ljallangan. Futbolchining transfer bahosi 60 million yevroga teng deb ko‘rsatilmoqda.
“Zamin”ni Telegramʻda oʻqing!
