Marsel bosh murabbiylikka Konseysau variantini ko'rib chiqmoqda

«Marsel» Roberto de Dzерbi iste’foga chiqarilgach, bosh murabbiylik lavozimi uchun yangi nomzod izlashni jadallashtirdi. Jurnalist Sebastyan Deni xabariga ko‘ra, fransuz klubi short-listidagi asosiy variantlardan biri — «Al-Ittihod»ni boshqarayotgan portugaliyalik mutaxassis Serjiu Konseysau. Bu haqda euro-football.ru xabar beradi.

Manbaga ko‘ra, hozircha rasmiy muzokaralar boshlanmagan, biroq «Marsel» rahbariyati Konseysau faoliyatini anchadan beri kuzatib keladi. Klub uni 2024 yilda ham jamoaga olib kelishni istagan.

Qayd etilishicha, murabbiyning «Al-Ittihod» bilan amaldagi shartnomasida 4,5 million yevro miqdorida tovon puli (otstupnoy) bandi belgilab qo‘yilgan.

Fransiya chempionatining 21-turidan so‘ng «Marsel» 39 ochko bilan turnir jadvalida to‘rtinchi o‘rinda bormoqda.