Ispaniya chempionatining 24-turi start uchrashuvida «Elche» maydonda «Osasuna»dan ustunroq harakat qildi, biroq hisobni ocholmadi. Mezbonlar 12 bor darvozaga zarba yo‘llagan bo‘lsa-da, urinishlarning barchasi ham haqiqiy xavfli vaziyatga aylanmadi. Bu haqda euro-football.ru xabar beradi.
O‘yin boshida Lukas Sepeda uzoq masofadan darvozabonni sinovdan o‘tkazdi, qaytgan to‘pda Alvaro Rodriges zarbasini aniq yo‘naltira olmadi. Ikkinchi taymda «Osasuna» posboni Andre Silvaning jarima maydoni ichidagi zarbasini qaytardi. Yakuniy daqiqalarda Herman Valera vaziyatni keskinlashtirdi, ammo Alvaro Rodriges yana darvozabonni aldab o‘ta olmadi.
Uchrashuv 0:0 hisobida yakunlandi. Natijada «Elche» turnir jadvalida 13-o‘rinni bo‘lishib turibdi, «Osasuna» esa 9-pog‘onada qoldi.
“Zamin”ni Telegramʻda oʻqing!
