"Manchester Siti" bosh murabbiyi Xosep Gvardiola qanot hujumchisi Savio jarohatdan so‘ng safga qaytayotgani borasida yangilik berdi. 21 yoshli futbolchi yanvar boshidan beri shikast sabab maydonga tushmay kelayotgandi. Bu haqda euro-football.ru xabar beradi.
Gvardiolaning aytishicha, Savio Angliya kubogidagi "Solford"ga qarshi o‘yinda bir necha daqiqaga maydonga tushishi mumkin edi, biroq murabbiylar shtabi tavakkal qilishni istamagan. U so‘nggi mashg‘ulotlarda futbolchining holati ancha ko‘tarilganini alohida ta’kidlab, uning jamoa bilan ikki kun avvalgi treningdagi o‘yini juda yuqori darajada bo‘lganini aytdi.
Shanba kuni "shaharliklar" Angliya kubogi 4-bosqichida "Solford Siti"ni 2:0 hisobida mag‘lub etdi. "Manchester Siti"ning navbatdagi uchrashuvi 21 fevral kuni APL doirasida bo‘lib o‘tadi, raqib — "Nyukasl".
“Zamin”ni Telegramʻda oʻqing!
