CSKA sobiq futbolchisi Aleksandr Grishin «Manchester Yunayted»ga nega top-darajadagi murabbiylar kelmayotgani haqida fikr bildirdi. U bu boradagi mulohazalarini «Yevropa-Futbol.Ru» nashriga bergan intervyusida aytib o‘tdi. Bu haqda euro-football.ru xabar beradi.
Grishinning ta’kidlashicha, natija uchun murabbiy javob beradi, ammo uni tanlaydigan tomon — klub rahbariyati. Ekspert fikricha, rahbarlar jamoani yuqori cho‘qqiga olib chiqa olmaydigan mutaxassisni ishga olsa, «Manchester Yunayted»ning yillar davomida barqaror ravishda eng yuqori darajaga qayta olmasligi tabiiy holat.
Unga ko‘ra, muammo klubning sport bloki yaxshi murabbiy topa olmagani va tarkibni to‘g‘ri shakllantira olmayotganida. «Hammasi uchun rahbarlar javob berishi kerak — baliq boshidan sasiydi. Kuchli murabbiy topilmasa, demak, vaziyatni boshliqlar shunday ko‘ryapti va bu holat yaxshilanmayapti», — dedi Grishin.
«Qizil iblislar» joriy mavsum oxirigacha Maykl Kerrikni bosh murabbiy sifatida tasdiqlagan. Uning qo‘l ostida jamoa besh uchrashuv o‘tkazib, to‘rt g‘alaba va bir durang qayd etgan. APL turnir jadvalida mankunianlar 45 ochko bilan to‘rtinchi o‘rinda bormoqda.
“Zamin”ni Telegramʻda oʻqing!
