Simeone Oblak tanqidiga javob berib, bahsni yopdi

Madridning "Atletiko" klubi "Rayo Valyekano"dan 0:3 hisobida yengilgach, jamoa darvozaboni Yan Oblak bosh murabbiy Diyego Simeonening o‘yin uchun eng kuchli tarkibni tushirmagan qarorini tanqid qilgandi. Sloveniyalik posbon bu uchrashuvga yondashuvni shubha ostiga qo‘ydi. Bu haqda euro-football.ru xabar beradi.

Oradan ko‘p o‘tmay, Simeone Oblakka javob qaytardi. "Men u bilan rozi emasman. Biz qaysi o‘yinda maydonga tushib, qaysisida kutib turishni tanlamaymiz. Shunchaki uchrashuvni yomon o‘tkazdik. "Rayo" bizdan yaxshiroq o‘ynadi", — deya argentinalik mutaxassisning so‘zlarini derbyderbyderby.it keltirdi.

Ayni paytda "Atletiko" Ispaniya chempionati turnir jadvalida uchinchi o‘rinda bormoqda.

Ravshan

«ZAMIN.UZ» muharriri

+ Zamin.uz saytini Google'ga qo'shing