Londonning «Arsenal» jamoasi bosh murabbiyi Mikel Arteta jamoa yetakchilaridan biri Bukayo Sakaning ko‘p qirrali o‘yiniga to‘xtaldi. Bu haqda euro-football.ru xabar beradi.
Mutaxassisning ta’kidlashicha, Saka «o‘nlik» pozitsiyasida ham o‘zini qulay his qiladi va bu rol unga yoqadi. Arteta fikricha, futbolchi har qanday sinovdan zavq oladi: o‘zini isbotlash talab qilinadigan vaziyatlar undagi qo‘shimcha motivatsiyani uyg‘otadi.
Murabbiy o‘yin holatiga qarab Sakaning joylashuvini turlicha o‘zgartirish mumkinligini, bu esa jamoa uchun foydali ekanini ham qo‘shimcha qildi.
Arteta «Arsenal»ni Angliya chempionatida safarda «Vulverhempton»ga qarshi uchrashuvga tayyorlamoqda. O‘yin 18 fevral, chorshanba kuni bo‘lib o‘tadi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
