Manchester Yunayted va Angliya terma jamoasining sobiq hujumchisi Ueyn Runi klubda murabbiylik masalasiga to‘xtalib, Maykl Karikning “qizil iblislar” boshqaruvidagi istiqboli haqida fikr bildirdi. Bu haqda euro-football.ru xabar beradi.
Runi ta’kidlashicha, MYu so‘nggi yillarda turli yo‘llarni sinab ko‘rdi: klub Joze Mourinyu, Erik ten Hag va Ruben Amorim kabi mutaxassislar bilan ishladi. Uning fikricha, hozir eng to‘g‘ri qaror — Karikka ishonch bildirish. “Bu shunchaki sobiq jamoadosh bo‘lganimiz uchun emas. Maykl o‘yinni tartibga soldi, jamoani tinchlantirdi va tarkibni yaxshi boshqaryapti”, — deya uning so‘zlarini ESPN keltiradi.
Angliya Premyer-ligasida 26 turdan so‘ng Manchester Yunayted 45 ochko jamg‘argan va turnir jadvalida beshinchi o‘rinda bormoqda.
“Zamin”ni Telegramʻda oʻqing!
