Germaniyaning «Bayer» klubi hujumchisi Patrik Shik Chempionlar ligasida «Olimpiakos»ga qarshi o'yinda ikki gol urib, uchrashuv yakunlari haqida fikr bildirdi. Bahs «Bayer»ning 2:0 hisobidagi g'alabasi bilan yakunlandi. Bu haqda euro-football.ru xabar beradi.
Shikning aytishicha, hujumchi uchun ba'zan butun o'yin davomida o'z vaziyatini kutishga to'g'ri keladi. «Har doim tayyor turish kerak — hujumchining ishi shu. Bugun esa kerakli paytda kerakli joyda bo'ldim. Qishki tanaffusdan keyin start biz uchun og'ir bo'ldi, ammo asta-sekin ancha qo'shib oldik», — deya uning so'zlarini UEFA keltirdi.
30 yoshli Patrik Shik joriy mavsumda barcha musobaqalarda 28 o'yinda maydonga tushib, 13 ta gol va 3 ta golli uzatma muallifi bo'ldi. Transfermarkt portali futbolchining bozor qiymatini 25 million yevroga baholamoqda.
“Zamin”ni Telegramʻda oʻqing!
