Rossiya terma jamoasining sobiq futbolchisi Dmitriy Bulikin «Monako» markaziy yarim himoyachisi Aleksandr Golovinning so‘nggi o‘yinlardagi harakatlari haqida o‘z mulohazalarini aytdi. Bu haqda euro-football.ru xabar beradi.
Monakoliklar sardori ketma-ket ikki uchrashuvda maydondan chetlatildi: Fransiya chempionatida «Nant»ga qarshi bahsda va Yevropa Chempionlar ligasida «PSJ» bilan o‘yinda.
Bulikinning ta’kidlashicha, birinchi qizil kartochka qo‘pollik sababli emas, Golovinning doim kurashda bo‘lgani va to‘pni qaytarib olishga intilgani bilan bog‘liq. Ikkinchi epizodni u ko‘rmaganini aytdi, biroq futbolchining xulqi o‘zgarib qolganiga va u futbol o‘ynashni istamayotganiga ishonmasligini qo‘shimcha qildi.
Golovin joriy mavsumda 26 ta uchrashuvda maydonga tushib, 2 ta gol urdi va 4 ta golli uzatma amalga oshirdi. 29 yoshli хавбек «Monako»ning asosiy tarkibidagi muhim figuralardan biri bo‘lib qolmoqda.
“Zamin”ni Telegramʻda oʻqing!
