Xabaringiz bor, bugun OChL-2017 guruh bosqichi 3-turidan o‘rin olgan uchrashuvlar o‘tkazilmoqdi. Unda Toshkentning “Bunyodkor” klubi o‘z maydonida “Zob Ahan” bilan kuch sinashdi.
Mazkur bellashuvdan so‘ng mezbonlar ustozi Sergey Lushchan jurnalistlar savollariga javob berdi.
- Men birinchi navbatda muxlislardan uzr so‘rayman. Ular bizni qo‘llash uchun kelishgandi. Ammo biz mag‘lubiyatga uchradik.
"Bunyodkor" ketma-ket 2 ta o‘yinda qizil kartochka oldi. Jamoadagi intizom borasida nima deya olasiz?
- To‘g‘risi, men nimadir deya olmayman. Chunki biz har doim futbolchilarga uqtiramiz. Lekin... Ochig‘i men bu holatni izohlay olmayman.
Bugungi taktik o‘zgarishlarni qanday izohlaysiz?
- Mashg‘ulotlarda har xil taktikalarni sinovdan o‘tkazamiz. Bu tabiiy hol. Ammo bugun biz o‘ylagan rejalar amalga oshmadi. Dostonbek Hamdamov o‘yinni tashkil qilish borasida ajoyib harakat qila oladi. Otabek Shukurovda ham maydonni boshqarish qobiliyati bor. Lekin u bugun o‘z o‘yinini namoyish eta olmadi.
"Bunyodkor" odatda tezkor harakat qiladigan jamoa. Ammo bugun unday jamoani ko‘rmadik. Buning sababi nimada?
- Ahmadaliev, Komilov va Shomurodovning o‘rni bilindi. Bu katta yo‘qotishlar edi. Hamdamovning o‘zi nimadir qilishi qiyin edi. Chunki jamoada uning sheriklari yo‘q edi.
Jamoa 3 ta turdan beri mag‘lub bo‘lmoqda. Buning uchun murabbiyni almashtirish kerakmi yoki muhitni?
- Buni ko‘proq rahbarlar hal qiladi. Agar murabbiy almashib natija yaxshilanadigan bo‘lsa, men tayyorman.
Manba: www.sports.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
AQSHda 10 yoshli bola politsiyaga qo‘ng‘iroq qilib, matematikadan uy vazifasini bajarishda yordam so‘radi
Rossiya Davlat dumasiga rus tilini bilmaydigan migrant bolalarni maktablarga kiritishni taqiqlash loyihasi kiritildi
Migren, klaster sefalgiya, zo‘riqish... Bosh og‘rig‘ining necha turi mavjud?
Sayxunobodda qarzdor otadan salkam 75 mln so‘m aliment pullari undirildi
Xonanda Munisa Rizayeva ilk marta ona bo‘ldi
Kipr hukumati rossiyalik va ukrainalik milliarderlarning «oltin» pasportlarini olib qo‘ydi
Eron oliy rahnamosi Netanyaxuni qatl qilishga chaqirdi
