Vinisius Junior maydondagi epizoddan so'ng «Benfika» futbolchisi Janluka Prestiannini irqchilikda aybladi. Mojaro keng muhokamaga sabab bo'ldi va mavzu yuzasidan «Bavariya» bosh murabbiyi Vensan Kompani ham fikr bildirdi. Bu haqda euro-football.ru xabar beradi.
Kompani matbuot anjumanida Vinisiusning reaksiyasi chin hissiyot bo'lganini ta'kidladi: uning so'zlariga ko'ra, bunday emotsiyani soxtalashtirib bo'lmaydi va futbolchi shunchaki hakam oldiga borishdan manfaat topmagan. Murabbiy, shuningdek, odatda diplomatik bo'ladigan Mbappe ham ko'rgan va eshitganlari haqida ochiq gapirganini aytdi.
«Bavariya» murabbiyi Prestianni gapirayotganda og'zini futbolkasi bilan yopishga uringanini, tribunada esa ayrim muxlislar maymun ishoralarini qilgani ko'ringani va bular video tasvirlarda qayd etilganini ham qo'shimcha qildi.
«Bavariya» navbatdagi uchrashuvini 21 fevral kuni «Ayntraxt»ga qarshi o'tkazadi.
“Zamin”ni Telegramʻda oʻqing!
