Qanot hujumchisi Denis Makarov manfaatlarini himoya qiluvchi agent Aleksey Babir mijozining hozirgi ahvoli haqida gapirdi. Bu haqda euro-football.ru xabar beradi.
Eslatib o'tamiz, Moskvaning «Dinamo» klubidan Turkiyaning «Kayserispor» jamoasiga ko'chib o'tgan futbolchi yaqinda yengil jarohat olgandi.
Agentning aytishicha, Makarov tiklanib bo'lgan va shu hafta davomida jamoa bilan umumiy guruhda to'liq mashg'ulot o'tkazmoqda. U klubdagi muhitdan mamnun, hammasi yoqmoqda, faqat kichik jarohat ritmni buzib qo'ydi — aks holda u allaqachon uchrashuvlarni ilk daqiqalardan boshlagan bo'lardi.
Makarov Turkiyada hozircha bir o'yinda maydonga tushib, 30 daqiqa harakat qilib ulgurdi.
Yakshanba kuni «Kayserispor» Turkiya chempionati 23-turi doirasida «Antalyaspor»ga qarshi maydonga tushadi.
“Zamin”ni Telegramʻda oʻqing!
