PSJ yarim himoyachisi Dro Fernandes Parij klubida ilk bor asosiy tarkibda maydonga tushdi. 18 yoshli ispaniyalik futbolchi Liga 1 doirasida «Mets»ga qarshi shanba kungi bahsni startdan boshladi. Bu haqda euro-football.ru xabar beradi.
Uchrashuv parijliklarning 3:0 hisobidagi g'alabasi bilan yakunlandi. Fernandes 63-daqiqada zaxiraga olindi.
O'yindan keyin futbolchi L1+ kanaliga intervyu berib, o'zini yaxshi his qilayotganini va asta-sekin o'yinini kuchaytirib borayotganini ta'kidladi. «Bu yerga o'yin amaliyoti uchun keldim, ritmni ushlashni xohlayman. G'alaba qozonganimizdan xursandman, ishlashda davom etish kerak», — dedi PSJning yangi a'zosi.
Eslatib o'tamiz, fransuz grandi Dro Fernandesni qishki transferlar vaqtida «Barselona»dan 8,2 mln yevro evaziga sotib olgandi.
“Zamin”ni Telegramʻda oʻqing!
