La Liga 2 vakili «Kastelon» klubi egasi Haralabos Voulgaris Ispaniya klub musobaqalarining qonuniy translyatsiyalariga kirish qiyinligi haqida fikr bildirdi. Bu haqda Marca xabar berdi. Bu haqda euro-football.ru xabar beradi.
Voulgarisning aytishicha, u DAZN, Movistar, Amazon Prime va boshqa bir qator obunalarga pul to'laydi, bularning barchasi oilasi bilan jamoasining o'yinlarini tomosha qilish uchun. Biroq Ispaniya yoki Yevropadan tashqariga chiqishi bilan «Kastelon» uchrashuvlarini ko'rish deyarli imkonsiz bo'lib qolayotganini ta'kidladi.
Klub egasi La Ligaga piratlikka qarshi kurash bilan cheklanmay, xalqaro tomoshabinlar uchun qulay va to'liq qonuniy ko'rish variantlarini yaratish bo'yicha ham real qadamlar tashlashni taklif qildi. Uning fikricha, MLB, «Formula-1» va NFL allaqachon global striming modelini yo'lga qo'ygan, ispan futboli ham shunday darajaga intilishi uchun to'siq yo'q.
Qayd etilishicha, avvalroq La Liga rahbariyati pirat translyatsiyalarga qarshi kurash doirasida o'yinlarni geografik cheklovlarsiz ko'rishga yordam beradigan ikki mashhur VPN-servisga nisbatan sudga murojaat qilgan.
“Zamin”ni Telegramʻda oʻqing!
