Meksikada yuzaga kelgan tartibsizliklar futbol taqvimiga ham taʼsir qila boshladi: mamlakat ichidagi ayrim uchrashuvlar boshqa sanalarga ko'chirilmoqda. Bu holat FIFA uchun ham xavotirli signal, chunki jahon chempionati startiga ko'p vaqt qolmagan. Bu haqda euro-football.ru xabar beradi.
Eslatib o'tamiz, 2026 yilgi mundialga mezbonlikni uch davlat — AQSh, Kanada va Meksika — birgalikda qiladi.
Vaziyatga taniqli sport sharhlovchisi Dmitriy Guberniyev ham munosabat bildirdi. U Telegram kanalida istehzoli ohangda post qoldirib, Meksika rostdan ham mundialni qabul qilishga “ishonch bilan tayyor” ekani haqida kinoya qildi.
2026 yilgi jahon chempionatida ilk bor 48 ta terma jamoa qatnashadi. Rossiya terma jamoasi esa UEFA va FIFA sanksiyalari sabab saralashga ham qo'yilmagani uchun turnirda ishtirok etmaydi.
“Zamin”ni Telegramʻda oʻqing!
