Rossiya terma jamoasining sobiq futbolchisi Igor Semshov «Monako» yarim himoyachisi Aleksandr Golovinning maydondan chetlatilishlari haqida fikr bildirdi. Bu haqda euro-football.ru xabar beradi.
Eslatib o'tamiz, fevral oyida Golovin ketma-ket ikki uchrashuvda qizil kartochka oldi: avval fransuz chempionatida «Nant»ga qarshi o'yinda, keyin esa Yevropa Chempionlar ligasida «PSJ» bilan bahsda.
Semshovning aytishicha, bu holat ko'proq tasodiflar yig'indisi. U ba'zan futbolchi ehtiyotkor o'ynashga urinsa ham, vaziyat aksincha tus olishini, o'z faoliyatida ham shunday holatlar bo'lganini ta'kidladi.
Chorshanba kuni «Monako» safarda «PSJ»ga qarshi Yevropa Chempionlar ligasi pley-off bosqichi javob o'yinini o'tkazadi. Diskvalifikatsiya sabab Golovin bu bahsni o'tkazib yuboradi. Dastlabki uchrashuvda monakoliklar uyida 2:3 hisobida mag'lub bo'lgan edi.
“Zamin”ni Telegramʻda oʻqing!
