PSJ bosh murabbiyi Luis Enrike Chempionlar ligasi pley-off bosqichida «Monako»ga qarshi javob uchrashuvi oldidan jurnalistlar bilan uchrashdi. Matbuot anjumani davomida u o‘tirgan joyi yaqinida egasiz sumkani ko‘rib qolib, o‘rnidan turdi va uni tekshirib ko‘rishga yaqinlashdi. Bu haqda euro-football.ru xabar beradi.
Murabbiy sumkani qo‘liga olarkan, hazil aralash: «Bu sumkada nima bor? Ichida bomba bormi yoki nima?» dedi.
Ko‘p o‘tmay shubhali ko‘ringan sumkaning egasi topildi — u zalda hozir bo‘lganlardan biri ekani ma’lum bo‘ldi.
PSJ «Monako»ni chorshanba, 25 fevral kuni «Park de Prens»da qabul qiladi. Uchrashuv 01:00 da (Toshkent vaqti bilan) boshlanadi. Ilk o‘yinda parijliklar safarda 3:2 hisobida g‘alaba qozongan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
