Rossiya terma jamoasining sobiq futbolchisi Igor Semshov Matvey Safonovning «PSJ»dagi hozirgi o‘rnini yuqori baholadi. So‘nggi uchrashuvlarda maydonga ko‘proq aynan rossiyalik darvozabon tushmoqda, Lyuka Shevalye esa zaxirada qolmoqda. Bu haqda euro-football.ru xabar beradi.
Semshovning fikricha, Safonov Parij klubida raqobatni halol mehnati bilan yutib oldi va ayni paytda birinchi raqam maqomiga munosib. U Donnarumma jamoani tark etganidan keyin Safonovning ishonchi yanada oshganini ta’kidladi hamda nega unga avvalroq ko‘p imkon berilmagani savol bo‘lib qolayotganini qo‘shimcha qildi.
Chorshanba kuni «PSJ» Chempionlar ligasida uy maydonida «Monako»ga qarshi o‘ynaydi. O‘yin tafsilotlarini LiveResult portalidagi matnli translyatsiya orqali kuzatish mumkin.
Eslatib o‘tamiz, o‘tgan hafta «PSJ» safarda «Monako»ni 3:2 hisobida mag‘lub etgandi. O‘sha bahs davomida parijliklar ikki to‘p farqi bilan ortda qolib, keyin kambek amalga oshirgandi.
“Zamin”ni Telegramʻda oʻqing!
