Italiyaning «Atalanta» klubi Chempionlar ligasida irodali kambek amalga oshirib, Germaniyaning «Borussiya»sini musobaqadan chiqarib yubordi. Dastlabki uchrashuvda 0:2 hisobida yutqazgan bergamoliklar javob bahsida 4:1 g'alaba qozonib, keyingi bosqichga yo'l oldi. Bu haqda euro-football.ru xabar beradi.
O'yindan so'ng yarim himoyachi Marten de Ron jamoasining yondashuvi va muhim detallar haqida to'xtaldi. «Bizda 90 daqiqa bor edi va o'z imkoniyatimizni namoyish etishimiz kerak edi. Yaxshi boshladik, erta gol esa doim yordam beradi. Birinchi o'yinda raqibga ortiqcha hudud qoldirib qo'ydik va buning jazosini tortdik. Bu safar buni imkon qadar bartaraf etishga harakat qildik. Ustiga-ustak, biroz omad ham bo'ldi — mana retsept», — dedi de Ron.
«Atalanta» Chempionlar ligasidagi navbatdagi raqibini juma kuni o'tkaziladigan qur'a tashlash marosimida bilib oladi.
“Zamin”ni Telegramʻda oʻqing!
