OAVda tarqalgan xabarlarga ko'ra, hujumchi Antuan Grizmann mart oyida «Atletiko» bilan xayrlashib, keyingi haftada «Orlando Siti»ga yo'l olishi mumkin. MLS transfer oynasi hali yopilmagani sababli bunday kelishuv nazariy jihatdan amalga oshishi ehtimoldan xoli emas. Bu haqda euro-football.ru xabar beradi.
Biroq juma kungi matbuot anjumanida «Atletiko» bosh murabbiyi Diyego Simeone bu mavzuni muhokama qilishdan bosh tortdi. «Grizmann ketadimi? Bu haqda gapirishni davom ettirishni xohlamayman. Biz butun e'tiborimizni ertangi o'yinga qaratganmiz», — dedi Simeone.
Qishning so'nggi oqshomida «Atletiko» Ispaniya chempionati doirasida safarda «Real Ovedo»ga qarshi maydonga tushadi. «Matraschilar» ayni paytda La Liga turnir jadvalida to'rtinchi o'rinni egallab turibdi.
“Zamin”ni Telegramʻda oʻqing!
