Chempionlar ligasi 1/8 finaliga qur'a tashlash marosimidan so'ng Myunxenning «Bavariya» jamoasiga Italiya vakili «Atalanta» raqib bo'ldi. Ikki uchrashuvdan iborat qarama-qarshilik oldidan nemislar darvozaboni Manuel Noyer bergamoliklar haqida fikr bildirdi. Bu haqda euro-football.ru xabar beradi.
«Ularni hayratlantiradigani — imkoniyatlari cheklangan bo'lsa ham, boridan maksimumni siqib oladi. Menimcha, eng yaxshi kunida ular tog'larni ham ag'darib tashlashi mumkin. Shuning uchun birinchi o'yin Bergamoda o'tishi yomon emas: shundan keyin biz o'zimiz qaysi darajada ekanimizni aniq bilib olamiz», — dedi Noyer.
«Atalanta» pley-off yo'llanmasi uchun o‘tish o‘yinlarida Dortmundning «Borussiya»sidan ustun keldi — ikki uchrashuv yakuniga ko'ra umumiy hisob 4:3. «Bavariya» uchun esa italiyaliklarga qarshi bahs joriy mavsum Chempionlar ligasidagi ilk pley-off sinovi bo'ladi: Vensan Kompani jamoasi umumiy bosqichni ikkinchi o'rinda tugatgan edi.
“Zamin”ni Telegramʻda oʻqing!
