Golovin Anje bilan o'yinda assist qayd etdi

Rossiyalik yarim himoyachi Aleksandr Golovin «Monako» safida Fransiya chempionatining 24-turida «Anje»ga qarshi bahsni muvaffaqiyatli o'tkazdi. Uchrashuv «Monako»ning 2:0 hisobidagi g'alabasi bilan yakunlandi. Bu haqda euro-football.ru xabar beradi.

57-daqiqada Golovinning zarbasidan keyin darvozabon to'pni qaytardi, biroq hujum davom etdi va epizod Balogunning goli bilan yakun topdi. Oradan besh daqiqa o'tib esa Golovin assist yozdirib qo'ydi: u jarima maydoni burchagi tomonga Simon Adingraga pas uzatdi, Adingra markazga siljib, to'pni aylanma zarba bilan darvozaga joyladi.

Qayd etish joiz, Golovin «Monako»dagi faoliyatida ilk bor barcha musobaqalarda ketma-ket uchta uchrashuvda golga uzatma muallifi bo'ldi. «Monako» turnir jadvalida 37 ochko bilan yettinchi o'rinda bormoqda.