Milanning «Inter» jamoasi bosh murabbiyi Kristian Kivu A Seriyaning navbatdagi turida «Jenoa»ga qarshi o‘yin arafasida OAV vakillari bilan suhbatlashdi. Bu haqda euro-football.ru xabar beradi.
«Neradzurrilar» Italiya chempionatining 27-turida o‘z maydonida «grifonlar»ni qabul qiladi. Bu uchrashuv «Inter» uchun Chempionlar ligasining pley-off saralash bosqichida Norvegiyaning «Bude-Glimt» klubiga yutqazib, turnir bilan xayrlashganidan keyingi ilk o‘yin bo‘ladi.
Kivuning ta’kidlashicha, jamoa Yevropa arenadagi muvaffaqiyatsizlik haqida uzoq o‘ylab o‘tirishga vaqt topolmaydi: «Biz bu sahifani yopdik. Chempionlar ligasidan chiqib ketish haqida o‘ylashga vaqt yo‘q — har uch kunda maydonga tushyapmiz. Hozir boshqa musobaqa haqida gap ketyapti. Avvalgi energiyamizni qaytarishimiz va A Seriyada barqarorlikni ta’minlashimiz kerak, chempionatdagi hozirgacha erishilgan natijalarga qaramay», — dedi u DAZNga bergan intervyusida.
«Inter» — «Jenoa» uchrashuvi bo‘yicha matnli translyatsiya LiveResult.ru saytida olib borilishi qayd etildi.
“Zamin”ni Telegramʻda oʻqing!
