"Bavariya" bosh murabbiyi Vensan Kompani Bundesligada Dortmundning "Borussiya"siga qarshi o'yin haqida fikr bildirdi. Myunxen klubi safarda asosiy ta'qibchisini 3:2 hisobida mag'lub etdi, uchrashuv davomida hisobda ortda ham qoldi. Bu haqda euro-football.ru xabar beradi.
"Bugungi o'yin Bundesliganing zo'r reklamasiga aylandi. Impuls, shiddat, gollar, tribunadagi 80 ming tomoshabin — hammasi ajoyib edi. "Borussiya" bosim qilishga urindi, ammo biz himoyada berkinib o'tirmadik, bosimni shunchaki kutmadik — o'z vaziyatlarimizni yaratdik. Har ikki jamoa ham hujumkor futbol ko'rsatishga intildi", — deya Kompanining so'zlarini Bayern & Germany keltirdi.
Ushbu g'alabadan so'ng "Bavariya" "Borussiya"dan ustunligini mavsum yakunigacha qolgan 10 tur oldidan 11 ochkogacha oshirdi.
“Zamin”ni Telegramʻda oʻqing!
