Sofiya shahrida o‘tkazilgan va "Kichik jahon chempionati" deya ta’riflanuvchi turnir yakunlariga ko‘ra, erkaklar o‘rtasida musobaqaning eng mahoratli bokschilari kuchli uchligi e’lon qilindi.
Erkaklar o‘rtasida kuchli uchlik
O‘zbekiston terma jamoasi a’zosi Fazliddin Erkinboyev musobaqa davomida namoyish etgan yorqin janglari va yuksak texnikasi bilan mutaxassislar diqqat markazida bo‘ldi. Natijada Fazliddin erkaklar o‘rtasida eng yaxshi bokschilar reytingining uchinchi pog‘onasidan joy oldi.
Kuchli uchlikning ikkinchi o‘rni angliyalik Damar Tomasga nasib etgan bo‘lsa, turnirning eng yaxshi bokschisi deb mezbonlar vakili Radoslav Rosenov topildi.
Ayollar boksida ham zafarli natija
Quvonarlisi, ayol bokschilarimiz ham Sofiya ringlarida o‘z so‘zini ayta olishdi. O‘zbekiston boks federatsiyasi xabariga ko‘ra, hamyurtimiz Sabina Boboqulova turnirning eng yaxshi ayol bokschilari qatorida e’tirof etilib, kuchli uchlikni yakunlab berdi. Bu Sabinaning xalqaro maydondagi barqarorligi va kuchli mahoratining yana bir tasdig‘i bo‘ldi.
Ushbu natijalar o‘zbek boks maktabining jahon arenalarida hamon eng yetakchi va kuchlilardan biri ekanligini yana bir bor isbotladi. Terma jamoamiz vakillari nafaqat medallar shodasi, balki musobaqaning eng yaxshilari degan yuksak unvonlar bilan vatanimizga qaytishmoqda.
Sizningcha, Fazliddin Erkinboyev va Sabina Boboqulovaning ushbu muvaffaqiyati ularning kelgusi olimpiya o‘yinlaridagi istiqbollariga qanday ta’sir qiladi?
“Zamin”ni Telegramʻda oʻqing!
