"Real Madrid" sobiq himoyachisi Ivan Elgera klubdagi murabbiylar almashinuvi borasida o'zining tanqidiy fikrlarini bildirdi. U "Bajo Palos" podkastida Xabi Alonsoning ishdan bo'shatilishini shoshilinch va asossiz qaror deb atadi. Elgeraning so'zlariga ko'ra, Alonso qo'l ostida jamoa ayniqsa himoyada juda tartibli va mustahkam o'yin ko'rsatayotgan edi.
Sobiq futbolchi klub rahbariyatining qarorlar zanjirini tushunish qiyinligini ta'kidladi. Uning fikricha, "Real Madrid" kabi top klubda ishlash uchun tajribali mutaxassis kerak edi. Elgera uzoq yillar davomida "Kastilya"ni boshqargan Raul nomzodi bu lavozimga ko'proq mos kelishini, u klub muhitini va qadriyatlarini yaxshi tushunishini alohida qayd etdi.
Shu bilan birga, Ivan Elgera Alvaro Arbeloaning tayinlanishiga nisbatan ham shubha bilan qaradi. Uning ta'kidlashicha, yuqori divizionda tajribasi bo'lmagan va o'z jamoasi bilan muvaffaqiyatsizlikka uchrayotgan murabbiyni asosiy tarkibga jalb qilish mantiqsiz qadamdir. Elgera bu holatni "Real Madrid" uchun navbatdagi xato va ma'nosiz qaror deb baholadi.
“Zamin”ni Telegramʻda oʻqing!
