So'nggi vaqtlarda "Inter Mayami" klubi o'z muxlislari uchun yanada qulay sharoit yaratish maqsadida yangi stadion qurilishini jadallashtirgan edi. Lionel Messi va uning yulduzli jamoadoshlari to'p suradigan mazkur arena qurilish ishlari yakuniga yetib qoldi va yaqin kunlarda o'z eshiklarini ochishga tayyorlanmoqda.
Klub rahbariyati 3 mart kuni Florida shtatida stadionning tijoriy huquqlariga bag'ishlangan maxsus tadbir o'tkazdi. Ushbu yig'ilishda arenaning rasmiy ochilish sanasi 4 aprel etib belgilangani e'lon qilindi. Bu yangilik muxlislar tomonidan katta qiziqish bilan kutib olindi.
Rejaga ko'ra, 4 aprel kuni "Inter Mayami" muntazam chempionat doirasida "Ostin" jamoasini qabul qiladi. Aynan shu bahs yangi stadiondagi ilk rasmiy uchrashuv bo'lishi kutilmoqda. Yangi arena nafaqat futbolchilar, balki muxlislar uchun ham yuqori darajadagi qulayliklarni taqdim etishi ko'zda tutilgan.
“Zamin”ni Telegramʻda oʻqing!
