O'zbekistonlik futbol hakamlari xalqaro maydonda o'z mahoratlarini namoyish etishda davom etmoqda. Navbatdagi muhim topshiriq Osiyo Chempionlar ligasi Elit musobaqasidan o'rin oldi. Bugun Yaponiya va Janubiy Koreya klublari o'rtasidagi qiziqarli to'qnashuvni aynan hamyurtlarimiz boshqarib boradi.
Yaponiya vakili "Machida" hamda Janubiy Koreyaning "Kanvon" jamoalari o'rtasidagi bahsda bosh hakam sifatida Rustam Lutfullin faoliyat yuritadi. Unga qanotlarda tajribali yordamchilar Andrey Sapenko va Timur Gaynullin ko'maklashadi. Uchrashuvdagi adolatni ta'minlash va bahsli vaziyatlarni tahlil qilish uchun VAR tizimida Asker Najafaliyev ishlaydi, unga AVAR sifatida Alisher Usmonov yordam beradi.
O'zbekistonlik hakamlar korpusi so'nggi yillarda Osiyo futbol konfederatsiyasi tomonidan yuqori baholanib kelmoqda. Xalqaro turnirlarda bunday mas'uliyatli uchrashuvlarga hakamlarimizning tayinlanishi mamlakatimizda futbol hakamligi rivojlanib borayotganidan dalolat beradi. Umid qilamizki, hakamlarimiz bugungi o'yinda yuqori saviyada ishlashib, o'zbek futboli obro'sini yanada oshirishadi.
“Zamin”ni Telegramʻda oʻqing!
