Yengil vazn toifasida UFC chempioni Iliya Topuriya yaqinlashib kelayotgan janglar va raqiblari haqida keskin fikrlar bildirdi. Uning so'zlariga ko'ra, dastlab "Oq Uy"da o'tkaziladigan turnirda Islom Maxachev bilan to'qnash kelishi rejalashtirilgan edi. Biroq, chempionning ta'kidlashicha, Maxachev jarohatini bahona qilib, jangdan bosh tortgan.
Topuriya bu vaziyatdan noroziligini yashirmadi va raqibini ochiqchasiga aybladi. Uning so'zlariga ko'ra, jang tashkilotchilari dastlab Maxachev nomini taklif qilganda, u ikkilanmasdan rozi bo'lgan. Biroq, ertasi kuni Islomning jarohat olgani haqidagi xabar barcha rejalarni o'zgartirib yubordi. Natijada, uning o'rniga Jastin Getji bilan jang qilish taklif etildi.
Iliya Topuriya o'zining yangi raqibi Jastin Getjiga ham murojaat qilib, uni tez orada nokautga uchratishini va'da qildi. Sportchi Islom Maxachevning qochishi sababli aynan Getji tovon to'lashiga to'g'ri kelayotganini qo'shimcha qildi. Eslatib o'tamiz, mazkur jang 2025 yil 14 iyun kuni bo'lib o'tishi belgilangan.
“Zamin”ni Telegramʻda oʻqing!
