Italiya A Seriyasining 29-turida Rim shahrida joylashgan mashhur «Latsio» klubi o‘z maydonida Italiya grandi — «Milan»ni qabul qildi. «Olimpiko» stadionida kechgan uchrashuv muxlislar uchun keskin kurashlarga boy bo‘lib, maydon egalari minimal hisobda g‘alaba qozondi.
Uchrashuv davomida jamoalar o‘zaro hujumlar bilan o‘yinni jonlantirishga harakat qildi. Biroq birinchi bo‘limning o‘rtalaridanoq rimliklar ustunlikni qo‘lga kiritdi. 26-daqiqada daniyaliq hujumchi Gustav Isaksen aniq zarba bilan raqib darvozasini ishg‘ol qildi. Bu gol keyinchalik o‘yin taqdirini hal qilgan yagona gol bo‘lib chiqdi.
Goldan keyin «Milan» futbolchilari hisobni tenglashtirish uchun bir necha bor oldinga tashlandi. Ular hujum chizig‘ida faol harakat qilgan bo‘lsa-da, «Latsio» himoyasi va darvozaboni ishonchli o‘yin ko‘rsatdi. Shu sababli milanliklar o‘z imkoniyatlaridan foydalana olmadi.
Natijada uchrashuv 1:0 hisobida rimliklar foydasiga yakunlandi. Ushbu g‘alaba «Latsio»ga turnir jadvalida muhim uch ochko keltirdi. Jamoa ochkolarini 40 taga yetkazib, 9-pog‘onaga ko‘tarildi.
Mag‘lubiyat esa «Milan» uchun kutilmagan natija bo‘ldi. Shunga qaramay, Massimiliano Allegri boshqaruvidagi jamoa 60 ochko bilan turnir jadvalida 2-o‘rinni saqlab turibdi. Biroq ular peshqadam — «Milan»dan 8 ochkoga ortda qolmoqda.
A Seriya. 29-tur
«Latsio» — «Milan» 1:0
Gol: Isaksen (26).
«Latsio»: Motta, Marushich, Xila, Provstgaard, Tavaresh, Dele-Bashir-u, Patrik, Teylor (Belahian, 90), Isaksen (Pedro, 67), Maldini (Dia, 67), Zakkani (Kancheleri, 83).
«Milan»: Menyan, Tomori (Atekame, 57), de Vinter, Pavlovich, Salemakers (Richchi, 85), Fofana (Nkunku, 66), Modrich, Yashari, Estupinan (Bartesagi, 57), Pulishich, Leau (Fullkrug, 66).
Ogohlantirishlar: Estupinan (55), Motta (70), Tavaresh (81), Pedro (90+5), Patrik (90+5).
“Zamin”ni Telegramʻda oʻqing!
