Kecha "Kamp Nou" stadionida UEFA Chempionlar ligasining 1/8 final javob uchrashuvi bo‘lib o‘tdi. Unda Ispaniyaning "Barselona" jamoasi Angliyaning "Nyukasl Yunayted" klubini qabul qildi. Birinchi o‘yindagi ustunlikni saqlab qolgan kataloniyaliklar, o‘z maydonlarida haqiqiy "golli yomg‘ir" uyushtirishdi — 7:2.
O‘yinning ilk daqiqalaridanoq mezbonlar bosimni oshirishdi. Rafinya (6, 72), Mark Bernal (18), Lamin Yamal (45+7), Fermin Lopes (51) va Robert Levandovskining dubli (56, 61) g‘alabani ta’minladi. "Nyukasl" tarkibida Antoni Elanga dubl qayd etgan bo‘lsa-da, bu "Hakkalar"ni qutqarib qola olmadi. Statistika ham "Barsa"ning mutlaq ustunligini ko‘rsatmoqda: 63% to‘p nazorati va darvoza tomon yo‘llangan 13 ta aniq zarba raqibni chorasiz qoldirdi. Ikki o‘yin natijasiga ko‘ra (8:3), "Barselona" ishonch bilan chorak finalga yo‘l oldi.
“Zamin”ni Telegramʻda oʻqing!
