O‘zbekiston ayollar milliy jamoasi Osiyo kubogi doirasidagi jahon chempionatiga saralash bahslarida Filippin milliy terma jamoasi bilan maydonga tushdi.
Uchrashuv yakunida filippinlik futbolchilar 2:0 hisobida ishonchli g‘alaba qo‘lga kiritdi. Shu tariqa, O‘zbekistonlik ayollar jahon chempionatiga to‘g‘ridan to‘g‘ri yo‘llanma olish imkonini boy berdi.
Endilikda milliy jamoa yo‘llanma uchun qit’alararo saralash bosqichida ishtirok etishi kerak. Ushbu turnir ikki bosqichdan iborat bo‘lib, O‘zbekiston ilk bosqichda muvaffaqiyatli natija qayd etsa, ikkinchi bosqichda ishtirok etadi.
Ma’lumot uchun, Osiyo kubogida yarimfinalga chiqadigan 4 jamoa to‘g‘ridan to‘g‘ri, yana 2 jamoa esa saralash o‘yinlari orqali jahon chempionati yo‘llanmasini qo‘lga kiritadi.
Chorakfinaldagi o‘yin natijasi shunday:
O‘zbekiston — Filippin 0:2
Gollar: Beard 47’, Savichki 52’.
O‘zbekistonlik futbolchilarga oldingi o‘yinlardan saboq olib, qit’alararo saralashda kuchli natija ko‘rsatish imkoni bor. Muxlislar esa yordam va ishonch bilan jamoani qo‘llab-quvvatlashi davom etmoqda.
“Zamin”ni Telegramʻda oʻqing!
