“Manchester Siti” klubi va Italiya terma jamoasi darvozaboni Janluiji Donnarummaga nisbatan tarqalgan xabarlar, jumladan futbolchilar Jahon chempionatiga yo‘llanma olish uchun pul talab qilganligi haqidagi maʼlumotlar rad etildi. Bu haqda Sky Sport nashri xabar bermoqda.
Darvozabonning so‘zlariga ko‘ra, jamoa ichida bunday masala umuman ko‘tarilmagan va bu gap-so‘zlar uni eng ko‘p ranjitgan. Donnarumma o‘zining sardor sifatida federatsiyadan bir yevro ham talab qilmaganligini taʼkidladi.
«Odatda, jamoa maqsadga erishsa, federatsiya futbolchilarga sovg‘a beradi — xolos. Hech kim maxsus bonus so‘ramagan. Biz uchun eng katta mukofot Jahon chempionatiga yo‘llanma olish bo‘lar edi, ammo afsuski, bu amalga oshmadi», — dedi u intervyuda.
Eslatib o‘tamiz, avvalroq tarqalgan xabarlarda Italiya terma jamoasi futbolchilari JCH-2026 yo‘llanmasi uchun 300 ming yevro bonus talab qilgani aytilib, bu muhokamalarga sabab bo‘lgan edi. Ammo Donnarumma bu xabarlarni to‘liq rad etdi va haqiqatni ochiq-oydin bayon qildi.
“Zamin”ni Telegramʻda oʻqing!
