Saudiya Arabistonining «An-Nasr» klubi Krishtianu Ronalduning 16 yoshli oʻgʻli — kichik Krishtianuni kelasi mavsumdan boshlab asosiy tarkibga qoʻshish imkoniyatini jiddiy koʻrib chiqmoqda.
Maʼlumotlarga koʻra, yosh futbolchi iyun oyida 16 yoshga toʻladi va hozirda Portugaliya yoshlar terma jamoasi safida harakat qilmoqda. Uning oʻyinlari va rivojlanish jarayoni klub mutaxassislari tomonidan doimiy ravishda nazorat qilib borilmoqda.
«An-Nasr» rahbariyati uning kelajagi uchun eng toʻgʻri qarorni qabul qilishni maqsad qilgan. Asosiy jamoaga jalb etish varianti ham real ssenariy sifatida koʻrilmoqda. Bu qaror amalga oshsa, Ronaldu oilasi futbol tarixida yana bir eʼtiborli sahifa ochishi mumkin.
Shu oʻrinda Krishtianu Ronalduning oʻzi ham klubning asosiy figuralaridan biri boʻlib qolmoqda. 41 yoshli hujumchi joriy mavsumda 25 ta oʻyinda 24 ta gol va 2 ta golli uzatma bilan ajoyib samaradorlik koʻrsatgan.
«An-Nasr» hozirda chempionlik poygasida yetakchilik qilmoqda. Jamoa turnir jadvalida birinchi oʻrinda bormoqda va eng yaqin raqib — «Al-Hilol»dan 8 ochko oldinda joylashgan.
Agar barcha ssenariylar amalga oshsa, yaqin kelajakda futbol dunyosida Ronaldular duetini bitta jamoada koʻrish ehtimoli ham paydo boʻlishi mumkin. Bu esa muxlislar uchun albatta katta shou boʻladi.
