"Real Madrid" jamoasining braziliyalik hujumchisi Vinisius Junior va urugvaylik yarim himoyachi Federiko Valverde Ispaniya chempionati doirasidagi "Mallorca"ga qarshi o'yin oldidan o'tkazilgan jamoaviy mashg'ulotlarda ishtirok etmadi. Bu haqda Goal.com xabar beradi.
"AS" nashri xabariga ko'ra, Valverdega klub rahbariyati tomonidan dam olish huquqi berilgan. Urugvaylik futbolchi diskvalifikatsiya tufayli baribir bo'lajak uchrashuvni o'tkazib yuboradi.
Shu sababli murabbiy Alvaro Arbeloa ixtiyorida hozirda 20 nafar futbolchi qolgan.
Vinisius esa bazaga qaytgan bo'lsa-da, umumiy guruhdan alohida holda ishladi. Braziliyalik yulduz jismoniy charchoq tufayli fizioterapiya va tiklanish mashqlari bilan cheklandi.
U klublar o'rtasidagi jahon chempionatidan so'ng 57 ta o'yindan 55 tasida maydonga tushgan.
Hujumchining ertaga mashg'ulotlarga qaytishi kutilmoqda. Biroq uning "Mallorca"ga qarshi asosiy tarkibda tushishi yoki Chempionlar ligasi doirasidagi "Bavariya" bilan o'yin oldidan zaxirada qoldirilishi hozircha noma'lum bo'lib qolmoqda.
“Zamin”ni Telegramʻda oʻqing!
