"Real Madrid" yulduzlari Rodrigoni qo'llab-quvvatlash uchun maydonga maxsus liboslarda chiqishdi
"Real Madrid" futbolchilari, og'ir jarohat olgan jamoadoshi Rodriqo Goesni qo'llab-quvvatlash maqsadida maxsus futbolkalar bilan maydonga chiqishdi. Rodriqo o'ng oyoqdagi jarohati sababli joriy mavsumni yakunladi va tiklanish jarayoni 7-9 oy davom etishi kutilmoqda. Bu holat murabbiy Alvaro Arbelua uchun jiddiy taktik muammo tug'dirmoqda, chunki Kylian Mbappe ham hozirda yordam bera olmayapti.
"Real Madrid" futbolchilari Ispaniya chempionati doirasidagi "Selta"ga qarshi o'yin oldidan og'ir jarohat olgan jamoadoshi Rodrigo Goesga birdamlik bildirishdi. Futbolchilar maydonga braziliyalik hujumchini qo'llab-quvvatlovchi maxsus futbolkalarda chiqib kelishdi. Bu haqda Goal.com xabar beradi.
Klub tibbiy departamenti 25 yoshli hujumchining o'ng oyog'ida tizza oldingi xochsimon bog'lamlari va tashqi menisk yirtilganini tasdiqladi. Ushbu tashxis futbolchi uchun joriy mavsum ham klub, ham terma jamoa miqyosida yakunlanganini anglatadi.
Rodrigo 2 mart kuni "Xetafe"ga qarshi bahsda zaxiradan maydonga tushganidan 11 daqiqa o'tib jarohat olgan edi. Tiklanish jarayoni yetti oydan to'qqiz oygacha davom etishi kutilmoqda, bu esa uning jahon chempionatini ham o'tkazib yuborishiga sabab bo'ladi.
«Hayotimning eng yomon kunlaridan biri, bu jarohatdan doim qo'rqqanman. Mavsumning qolgan qismida va jahon chempionatida ishtirok eta olmasligim juda og'ir, ammo men kuchli bo'lishim kerak», — deb yozdi futbolchi ijtimoiy tarmoqlarda.
Hujumchining safdan chiqishi murabbiy Alvaro Arbeloa uchun jiddiy taktik muammo tug'dirmoqda. Kilian Mbappe ham hozircha yordam bera olmayotgan bir paytda, "Real Madrid" hujum chizig'i mavsumning hal qiluvchi pallasida jiddiy sinovga duch kelmoqda.
Izohlar 0
…